Itinurong utak ng pastillas scheme sa Bureau of Immigration si dating Justice Secretary Vitalliano Aguirre.
Sa kanyang pagharap sa hearing ng senate committee on women, children, family relations and gender equality, ibinunyag ng kolumnistang si Ramon Tulfo na idini-deliver kay Aguirre ang parte n’ya sa pastillas scheme sa pamamagitan ng helicopter mula Manila hanggang sa kanyang lugar sa Mulanay Quezon.
Ayon kay Tulfo, nakuha rin nya ang kanyang mga impormasyon kay Allison Chiong, ang whistleblower sa pastillas scheme.
Naging laman rin ito ng kanyang column noong nakaraang buwan na umani ng libel case mula kay Aguirre.
