Nagbabala ang Alliance of Health Workers (AHW) na magpapatuloy ang mass protest ng health workers sa Setyembre 1 hangga’t hindi naibibigay ang kanilang Special Risk Allowance at iba pang mga benepisyo.
Ayon kay AHW president Robert Mendoza, posibleng ituloy rin ng health workers ang kanilang bantang mass resignation.
Maliban sa SRA, may ipinangako ring 38,000 pesos para sa meal at transportation allowance ang Department of Health.
Bukod pa ito sa 3,000 pesos na monthly active duty hazard pay para sa kanila.
Nauna nang sinabi ng Department of Budget and Management (DBM) na nailabas na nito ang P311.79-M na pondo para sa SRA para sa public at private healthcare workers sa bansa.—sa panulat ni Hyacinth Ludivico
