Ibinahagi ngayon ni Ai-Ai delas Alas ang ilang detalye kaugnay sa kaniyang nalalapit na church wedding sa fiance na si Gerald Sibayan sa Disyembre 12.
Ilan sa mga sikat na personalidad na magiging bahagi ng wedding entourage ng komedyante ay ang kaibigan nitong si Marian Rivera na magsisilbi bilang Veil Sponsor; Matron of Honor naman ang Megastar na si Sharon Cuneta; at ang kanyang anak na si Sophia ang kanyang Maid of Honor.
Samantala, best men naman ang kaniyang anak na si Sancho kasama na ang best friend ng kaniyang fiance at ang aktor na si Alden Richards.
Ayon kay Ai-Ai, magiging makulay ang motif ng kaniyang kasal.
Magsusuot aniya siya ng puting gown na may floral design at may mahabang trail na gawa ng fashion designer na si Frederick Peralta.
Aniya, regalo sa kaniya ito ng kaibigan niyang si Marian.
Ipinahayag rin ni Ai-Ai ang kaniyang excitement dahil first time umano niyang ikakasal sa simbahan.
_____
