Iniimbestigahan na ng Makati City government ang balitang ibinibenta sa Siang Mall sa Saudi Arabia ang sapatos na ipinamimigay ng lungsod sa kanilang mga mag-aaral.
Ito ay matapos makipag-ugnayan ang Makati City government sa supplier at manufacturer na gumawa ng nasabing sapatos.
Inilabas ng Makati LGU sa facebook page nito ang litrato ng katulad na sapatos nilang Air Binay 3.0 rubber shoes na ibinibenta sa halagang 24 saudi rial o mahigit 300 pesos.
Binalaan ng makati LGU ang grupo o indibidwal na gagamit ng kanilang city seal.
