Nananatiling ligtas ang air quality sa Region 12 sa kabila ng haze na nanggagaling sa forest fires sa Indonesia.
Ipinabatid ni Maysheen Collong, Information Officer ng Environmental Management Bureau ng Region 12 na nasa standard level pa ang nakitang pollutants sa hangin, base na rin sa kanilang ambient air monitoring systems.
Gayunman, tumaas naman ang naitalang kaso ng respiratory related diseases sa mga residente simula nang maramdaman ang haze bagamat sinabi ni Collong na lumalabas sa kanilang air quality monitoring na maaaring hindi haze ang ugat nang pagtaas ng kaso ng nasabing sakit.
By: Judith Larino
