Humingi ng tawad ang aktor na si JM de Guzman kasunod ng mga nauna niyang post sa Instagram kaugnay ng paggamit niya ng droga at pagaparehab noon.
Kasabay nito ay inamin din ng aktor na nawawalan siya nang kontrol sa sarili kaya nakakapagpost ng mahabang mensahe sa kanyang Instagram account.
Sinabi rin ni JM na nakararanas siya ng anxiety attacks, bipolar disorder at depresyon pero sa ngayon ay ok na muli siya.
Gayunman, nakiusap ang aktor na huwag sisihin ang kanyang ex-girlfriend na si Jessy Mendiola sa nangyayari sa kanya, maging ang kanyang mother network at ang mga kasama sa teleseryeng All of Me.
Nauna rito ay bumuwelta rin ang ex-girlfriend ni JM na si Jessy Mendiola sa mga bashers na sinisisi siya sa nangyayari sa aktor.
Saad ni Jessy, huwag siyang husgahan agad dahil hindi umano alam ng mga ito ang nangyari kung kaya’t nagdesisyon sila ni JM na maghiwalay.
Sa huli, sinabi ni Jessy na ipagdarasal na lamang niya lahat ng mga naninira sa kanya.
By Krista de Dios
