Sinampahan na ng kaso ng Philippine National Police (PNP) ang aktor na si Keith Thompson na umano’y nambugbog sa kaniyang nobya na si Ana Jalandoni sa isang hotel sa Tagaytay.
Ayon sa PNP, kasong paglabag sa Section 5 ng Republic Act No. 9262 o ang Anti-Violence Against Women and Their Children Act ang isinampa laban kay Thompson.
Lumabas naman sa imbestigasyon ng Tagaytay City Police na selos ang dahilan ng pambubugbog ni Thompson na nagresulta ng pasa at sugat sa mukha ni Jalandoni.
Hihintayin naman ng PNP ang desisyon ng mga prosecutors para sa iba pang ebidensiya sa kaso. —sa panulat ni Abby Malanday
