Patuloy sa pagdami ang mga nagkakasakit ng diarrhea sa mga evacuation center sa Albay.
Dahil dito, pinaplano na ng pamahalaang panlalawigan ng Albay ang magsagawa ng inspeksyon sa mga itinitindang pagkain sa paligid ng mga evacuation center.
Ayon kay Albay Public Safety and Management Office Head Cedric Daep, ipinag-utos na ni Governor Al Francis Bichara na tiyaking purified water lang ang iinumin ng mga evacuees.
Sinabi ni Daep na nangontrata na sila ng mga refilling station sa bawat apektadong lungsod at bayan para magsuplay ng purified water sa mga apektadong residente ng patuloy na pag-aalburoto ng bulkang Mayon.
—-
