Nanawagan ng tulong si Albay Governor Al Francis Bicharra sa pamahalaan para sa agarang pagpapalabas ng calamity fund ng lalawigan.
Ito ay matapos na itaas sa level 4 ang alert status ng Bulkang Mayon makaraang magbuga ito ng makapal na abo o ‘ash column’ kaninang tanghali.
Ayon kay Bichara , malapit nang maubos ang kanilang emergency na ginagamit sa pag-alalay sa libo-libong pamilyang apektado ng patuloy na pag-aalburuto ng Bulkang Mayon.
Dagdag pa ni Bichara , posibleng ilikas na rin nila ang mga residente sa 8 – kilometer extended danger zone.
Kasabay nito, nanawagan si Bichara sa kanyang mamamayan na magsuot ng mask at manatili lamang sa loob ng kanilang mga tahanan.
