Itinanggi ni Albuera, Leyte Mayor Rolando Espinosa Sr. na sa kanya ang tinatayang 11 kilo ng shabu na nagkakahalaga ng P88 million pesos na nasabat ng mga pulis sa kanyang bahay sa Barangay Benolho, kahapon.
Sa halip ay inakusahan ni Espinosa si Chief Insp. Jovie Espenido, hepe ng Albuera Municipal Police ng pangha-harass.
Umaapela naman ang alkalde kay Pangulong Rodrigo Duterte at PNP Chief Dir. Gen. Ronald dela Rosa na atasan ang mga pulis na itigil na ang pagbabanta at pang-haharass sa kanya at kanyang pamilya.
Iginiit ni Espinosa na inosente siya at walang alam sa mga iligal na aktibidad ng kanyang anak na si Kerwin.
Magugunitang na-confine si Espinosa sa ospital sa Cebu City dahil sa pananakit ng dibdib.
By Drew Nacino
