Walang pagsidlan ng tuwa ang tambalang AlDub matapos yanigin ang mga telebisyon at social media sa kanilang muling pagtatagpo kahapon.
Sa kaniyang post sa twitter, pinasalamatan ni Maine Mendoza aka Yaya Dub ang mga sumusubaybay sa kalye serye dahil sa mainit na pagsuporta ng mga ito sa kanila.
Hindi naman maitago ang kilig ni Alden Richards nang ipost nito ang larawan ng sulat na ibinigay sa kaniya ni Yaya Dub kung saan, nakasulat dito ang tunay niyang pangalan na Richard Fulkerson Jr.
Sinabi ni Alden na sa pagbabasa niya sa sulat ni Maine na tinawag niyang Meng, nakilala umano niya ito ng husto at sinabi nitong maganda siya sa loob at labas at tuloy aniya ang forever.
Hanggang kagabi, pumalo sa 23 million ang naitalang tweets ng #ALDubEBforLOVE na mas malayo sa mahigit 6 na milyong tweets na naitala ng katapat nitong noontime show ng ABS-CBN na It’s Showtime.
Binasag ng AlDub ang sarili nitong record noong isang linggo na nakakuha ng 13 milyong tweets.
By: Jaymark Dagala
