Sinagot ng Malacañang ang batikos ng kampo ni dating Chief Justice Maria Lourdes Sereno na for publicity lamang ang pagsibak ni Pangulong Rodrigo Duterte sa ilang mga opisyal ng gobyerno.
Ayon kay Presidential Spokesman Harry Roque, tanging ang Ombudsman lamang ang may saklaw at kapangyarihan na magsampa ng kaso laban sa mga hinihinalang tiwaling opisyal ng pamahalaan na sinibak ng pangulo makaraang masangkot sa katiwalian.
Kasunod nito, sinabi ni Roque na ayaw na niyang patulan pa ang mga sinasabi ng kampo ni Sereno dahil sa iisa lamang din naman ang kaniyang isasagot.
Magugunitang inakusahan ng kampo ni Sereno si Pangulong Duterte na nagre-recycle lamang ito ng mga opisyal ng pamahalaan dahil sa sinisibak ang mga ito para muling italaga sa ibang posisyon.
—-
