Deadma lang ang aktor na si Aljur Abrenica sa mga natanggap na negatibong komento kaugnay ng una niyang pagganap sa drama anthology na Maalaala Mo Kaya.
Ito’y dahil sa ilang netizens ang nagsabing hindi nila naramdaman si Aljur, nilamon nang buo ng aktres na si Chanda Romero at kailangan pa ng maraming acting workshops.
Ayon kay Aljur, opinyon ng kanyang bashers yoon at hindi naman niya inaasahang pupurihin siya ng mga ito.
Dagdag ni Aljur, ang focus niya ang kanyang trabaho at pag-arte at importante aniyang magampanan niya ito nang maayos.
Naniniwala din si Aljur na hindi dapat tumitigil sa pag-aaral sa kanyang pinasukang trabaho.
