Hinahanap pa rin ang katawan ni Mayor Gisela Boniel ng bayan ng Bien Unido sa Bohol makaraang mabunyag ang pagpatay sa kaniya ng sariling asawa nito.
Ayon kay Central Visayas Regional Police Office Chief Director Noli Taliño, mismong ang pinsan ni Bohol Board Member Niño Rey Boniel na asawa ng alkalde ang nagpabatid nito sa kaniya.
Ayon kay Etad Boniel, pinsan ng salarin, binaril at saka binalot umano ng lambat ang katawan ng alkalde at nilagyan ng bato na may timbang na 30 kilo saka ito itinapon sa dagat.
Hawak na ngayon ng pulisya si Board Member Boniel at nakatakda itong sampahan ng kasong paricide sa Bohol Regional Trial Court.
By: Jaymark Dagala
