Arestado sa isang checkpoint sa Ozamiz City ang Alkalde ng Kolambogan, Lanao del Sur na si Lorenzo Manigos.
Ito ay matapos marekober sa sasakyan ng alkalde ang dalawang 9 millimeter pistol, dalawang kalibre 45 baril at tatlong granada.
Maliban kay Manigos, arestado din ang apat pa nitong mga kasamahan na kinilalang sina Ricky Bantillan, Mario Dayaman, Nestor Gabrinez at Noel Agapia.
Ayon kay Ozamiz City Police, Chief Inspector Jovie Espenido, tinitignan nila sa ngayon ang posibleng involvement ni Manigos sa bentahan ng ilegal na droga at ang posibleng koneksyon nito sa pamilya Parojinog.
