Tiniyak ng Malakaniyang na mapapasakamay ng bawat pulis at sundalo ang allowance ng mga ito kapag idineploy sa APEC Summit.
Ayon kay Presidential Spokesman Edwin Lacierda, kakausapin nila si PNP Chief Director General Ricardo Marquez para tiyaking maibibigay ang tamang allowance ng mga otoridad na ikakalat sa nasabing event.
Kasunod na rin ito nang paglutang ng report na nangangamba ang mga pulis na sa halip magkaroon ng extra pay sa APEC Summit ay ibulsa na lamang ito ng kanilang opisyal.
Magugunitang nagreklamo ang mga pulis na idineploy sa papal visit noong enero na hindi nila natanggap ang kanilang allowance para rito.
By Judith Larino
