Desidido si House Speaker Panteleon Alvarez na kumbinsihing tumakbong senador sa 2019 elections si Special Assistant to the President Bong Go.
Sa kabila ito ng pahayag ni Go na hindi siya interesadong tumakbong senador at ang tanging hangarin niya ay mapagsilbihan ang Pangulong Rodrigo Duterte, kahit magpakailanman.
Ayon kay Alvarez, kailangan ng kanilang partidong PDP-Laban ang mga kandidatong mula sa Mindanao tulad ni Go.
Ilan pa sa mga posibleng senatorial candidates na pinalulutang ni Alvarez sina Oriental Mindoro Congressman Reynaldo Umali, Maguindanao Representative Sajid Mangudadatu at Negros Occidental Representative Alfredo Benitez.
—-
