Patay ang isang ama habang tatlong iba pang kaanak nito ang sugatan matapos nitong i-hostage ang sariling pamilya sa barangay San Dionisio, Parañaque City.
Kinilala ni Parañaque City Police Chief Senior Supt. Leon Rosete ang suspek na si alyas Celso na nasawi habang ginagamot sa ospital ng Parañaque.
Batay sa imbestigasyon, dakong alas-4:30 ng hapon nang nakatanggap ng mangyari ang insidente kung saan naabutan pa ng mga tauhan ng Parañaque City na nag-aamok at pinagsasaksak ng suspek ang mga biktima.
Nagdesisyon naman ang pulisya na barilin na ang suspek nang tangkain na nitong saksakin ang dalawang anak na may edad isa at tatlong taong gulang.
Patuloy namang nilalapatan ng lunas ang mga sugatang biktima na sina Roma Tubania, live in partner ng suspek, kapatid na si Rose Ann Dela Cruz at pamangkin na si Jerwin Ursal, 16-taong gulang.
(Ulat ni Gilbert Perdez)
