Pinangunahan ni Dating Philippine Ambassador to Laos at Chairman Emeritus ng ALC group of companies Antonio Cabangon Chua ang pagpapasinaya sa imahe at marker ni Sta. Rosa de Lima sa Eternal Gardens sa lungsod ng Sta. Rosa lalawigan ng Laguna.
Biglaan ang naging pagdalo ni Ambassador Cabangon Chua sa nasabing okasyon bilang pasasalamat sa naging paggaling nito mula sa karamdaman.
Sa kaniyang talumpati, sinabi nito na napaka-ispesyal sa kaniya ng imahe ni Sta. Rosa de Lima dahil sa pumatak sa petsa ng kaniyang kapanganakan ang pista nito.
May sukat na 14 na talampakan ang imahe ni Sta. Rosa de Lima na itinuturing na pinakamalaking imahe na itinayo sa lalawigan.
Kabilang din sa mga dumalo at nanguna sa okasyon si Eternal Gardens Chairman at CEO D. Edgard Cabangon, Sta.rosa City Mayor Arlin Arcilla at Laguna Rep. Dan Fernandez.
Nagpasalamat naman si Mayor Arcilla kay Ambassador Cabangon Chua sa pagpapagawa ng plaza na magsisilbing pook dalanginan ng mga taga-ruon.
By: Jaymark Dagala | Photo Courtesy of Jill Resontoc (Patrol 7)
