No show si dating Commission on Elections o COMELEC Chairman Andy Bautista sa pagdinig ng Senate Committee on Banks hinggil sa natuklasang napakaraming bank accounts nito sa Luzon Development Bank.
Ayon kay Senador Chiz Escudero, chairman ng komite, kanilang pag-uusapan ng mga senador na naghain ng resolusyon ukol sa imbestigasyon ang mga hakbang na kanilang gagawin matapos isnabin ni Bautista ang pagdinig.
Kabilang aniya sa posible nilang gawin ay ang pagpapa-subpoena kay Bautista at sakaling hindi pa rin ito dumalo ay magpapalabas na sila ng show cause order para pagpaliwanagin ito.
Matatandaang sina Senador Panfilo Lacson at Tito Sotto ang naghain ng resolusyon para imbestigahan ang posibleng paglabag sa Anti-Money Laundering Act ng nabunyag na mga bank accounts ni Bautista.
(Ulat ni Cely Bueno)
