Sunod na nga bang ikakasal si Angel Locsin?
Ito ngayon ang tanong ng marami matapos na biruin ng bagong kasal na si Anne Curtis sa isang post si Angel Locsin at napapabalitang boyfriend nito na si Neil Arce.
Isinulat ni Anne ang maikling #NEXTna.
Matatandaang kabilang ang dalawa sa mga malalapit na kaibigan ni Anne na dumalo sa kasal nila ni Erwan Heussaff sa New Zealand nitong weekend.
Walong taon na ang friendship nina Angel at Neil bago nila dinala sa next level ang kanilang relasyon.
Bagamat hindi pa opisyal na sinasabi ng dalawa na sila na nga, inilarawan ni Angel si Neil bilang kanyang ‘source of happiness’.
Ayon kay Angel sa ngayon ay masayang-masaya sila at hindi nagmamadali.
Tiniyak din ni Angel na masasabi naman niyang sigurado sila sa isa’t isa.
—-
