Hndi pa man kasal sa kanyang fiance na si Neil Arce ang aktres na si Angel Locsin, excited na ito para sa kanyang magiging pamilya.
Ayon kay Angel Locsin, gusto nito na magkaroon ng isa o dalawang anak dahil nakikita na niya ang kanyang sarili na magiging isa itong stage mother.
Sinabi rin ng aktres na kung gustuhin man ng kanilang anak na pumasok sa industriya ay susuportahan nya ito ngunit mas prayoridad niya na makapagtapos muna ang mga ito ng pag-aaral.
Lubos namang nagpapasalamat si Angel sa kanyang fiance dahil lagi siya nitong sinusuportahan sa lahat ng bagay.
Sa ngayon, naghahanda na ang aktres at ang kanyang fiance para sa kanilang nalalapit na kasal.
