Labis na ikinalulungkot ng aktres na si Angel Locsin ang pagpanaw ng isang senior citizen habang nakapila sa binuo nitong community pantry sa Quezon City.
Batay sa Facebook post ng aktres, alas 3 pa lamang ng madaling araw ay nakapila na ang naturang matanda at may nakainitan ito ng ulo habang nasa pila at doon inatake sa puso,kinilala itong si Manong Rolando Dela Cruz isang balut vendor.
Ayon sa aktres , humihingi siya ng tawad sa pamilya ni Manong Rolando at nakausap na niya ng personal ang mga anak nito habang sila ay nasa ospital at iginiit na habang buhay siyang hihingi ng kapatawaran sa pamilya nito.
Dagdag nito pagkakamali niya ang naganap na insidente at huwag sanang madamay ang ibang community pantries.—sa panulat ni Agustina Nolasco
sa tingin ko, tama lang po na sa akin ninyo na marinig na totoo po ang balita na may inatake at namatay habang nasa pila…
Posted by Angel Locsin on Friday, 23 April 2021
