Inamin ng singer songwriter na si Angeline Quinto na in a relationship na siya sa kanyang non-showbiz boyfriend.
Ayon kay Angeline, nakilala niya ang kanyang nobyo sa mga kaibigan niya rin sa Sampaloc, Manila.
Paliwanag pa ng mang-aawit, mas gusto niya na pribado ang kanyang relasyon dahil isa na itong public figure.
Samantala, pinaliwanag rin ni Angeline ang naging samahan niya sa singer rin na si Erik Santos na matagal ng nauugnay sa kanya.
Sinabi ni Angeline na sinubukan nilang dalawa na maging magkarelasyon ngunit napagtanto nila na mas mabuting magkaibigan na lamang sila.
Aniya, sa sobrang malapit na magkaibigan nila ni Erik ay alam naman ng isa’t isa ang nangyayari sa kanilang buhay pagibig.
