Ikinukunsidera na ng Commission on Elections o COMELEC na iproklama ngayong linggo ang anim sa mga nanalong senatorial candidates.
Ito ang inihayag ng Commission on Elections o COMELEC habang hinihintay ang pagdating ng mga natitirang Certificates of Canvass o COC.
Ayon kay Frances Arabe, Assistant Director ng COMELEC- Education and Information Division, pinag-aaralan na rin nila kung magsasagawa ng partial o full proclamation pero naka-depende ito sa pagdating ng mga COC.
Batay sa partial senatorial results ng Parish Pastoral Council for Responsible Voting, bumaba sa 11th rank si Senador Koko Pimentel habang umakyat sa 10th rank si Bong Revilla Jr at nakapako naman sa 12th rank si Senador Nancy Binay.
