Ipinagpaliban muna pansamantala ang sana’y paglulunsad ng tambalang Lacson-Sotto sa Miyerkules, Agosto 4,2021.
Ayon kay Senate President Tito Sotto, ito’y makaraang mapagkasunduan nila ni Senador Ping Lacson na ipagpaliban muna pansamantala ang naturang event dahil na rin sa tumataas na kaso ng COVID-19 dahil sa delta variant.
Giit ng senador na mas makabubuting pagtuunan ng pansin ang pagtugon laban sa virus gayundin sa kapakanan ng publiko.
Napaka-insensitive nito kung ituloy nila ang naturang event kahit pa gawin ito online.
Samantala, Setyembre 8 naman ang bagong petsa ang kanilang ikinukonsidera para sa pormal na pag-aanunsyo ng kanilang tambalan.
