Nahaharap sa kasong paglabag sa Comprehensive Drug Act ang apat na indibiduwal sa isinagawang buy bust operations ng Quezon City Police District sa Barangay Holy Spirit kaninang madaling araw.
Isang mag-asawa at dalawang lalaki ang natimbog nang magpositibo ang mga ito sa kanilang transaksyon matapos magpanggap na bibili ng shabu ang isang pulis.
Nakumpiska ng pulisya mula sa mga suspek ang pitong sachet ng hinihinalang shabu gayundin ang ilang drug paraphernalia.
Aminado naman ang dalawang lalaki na gumagamit sila ng droga subalit tumanggi na silang magbigay pa ng pahayag at iginiit na sa korte na lamang nila sasagutin ang lahat ng mga paratang laban sa kanila.
