Nasagip na ng militar ang Apat na sibilyang binihag ng Maute Terror Group sa Marawi City dalawang buwan mula nang sumiklab ang bakbakan duon.
Ayon sa tagapagsalita ng Joint Task Force Marawi na si Capt. Joan Petinglay, natagpuan ang apat na bihag bunga na rin ng pakikipagtulungan ng isa sa asawa ng Apat sa Philippine Navy sa Zamboanga at Joint Task Force Marawi.
Nasagip aniya ang apat na bihag sa paligid ng Lake Lanao kung saan, tatlo sa mga ito ay taga – Zamboanga City habang ang isa nama’y taga-Iligan.
Kasalukuyan nang nasa headquarters ng Philippine Army ang Apat kung saan nilalapatan sila ng atensyong medikal at isinasailalim din sa stress debriefing.
