Timbog ang apat na lalaki matapos umanong holdapin ang isang taxi driver sa Barangay Tipas, Taguig City.
Kuwento ng hindi pinangalanang tsuper, pinara siya ng grupo sa Shaw Boulevard sa Mandaluyong at nagpahatid sa Taguig.
Subalit pilit siyang pinadadaan sa madilim na bahagi ng lugar at tinutukan ng baril at patalim bago nagdeklara ng holdap pagsapit ng Barangay Tipas.
Namataan naman ng mga nagpapatrulyang pulis ang drayber na tumalon sa kotse para humingi ng tulong na nagresulta sa pagkakaaresto ng mga suspek.
