Ibinasura ng Department of Justice ang apela ng negosyanteng si Peter Lim na ibalik ang naunang resolusyon nito na nagbabasura sa mga kasong isinampa laban sa kaniya na may kaugnayan sa iligal na droga.
Ayon kay Justice Secretary Menardo Guevarra, walang merito ang hirit ni Lim batay na rin sa naunang kautusang inilabas ni dating Justice Secretary Vitaliano Aguirre.
Mayruon aniyang ligal na batayan ang reklamo laban kay Lim at nabigo rin ito na patunayan na nalabag ang kaniyang karapatan sa due process.
Kasunod nito, iginiit ng kalihim na mayruong due process at rule of law kaya’t hindi dapat aniya mangibabaw sa usapin ang sentimiyento ng publiko.
