Ibinasura ng Court of Appeals (CA) ang apela ni Rappler President and CEO Maria Ressa na mabisita nito ang kaniyang may sakit na ina sa Etados Unidos ngayong holiday season.
Ito’y sa kabila ng pagpayag ng apat na korte na makaalis ng bansa si Ressa.
Noong December 1 naghain ng mosyon si Ressa sa CA para mabigyang konsiderasyon ang kaniyang hiling na mabisita ang kaniyang ina sa Florida na na-diagnose ng breast cancer nitong Oktubre.
Ngunit ayon sa CA, ang naturang mosyon ay kaparehas lamang din ng naunang nabasurang mosyon nito na makabyahe rin.
Bibiyahe sana patungong US sa December 19 si Ressa at nakatakdang bumalik ito ng January 11, 2021.
