Iginiit ni House Minority Leader Danilo Suarez na ang mga barangay kapitan lamang na nasa “critical areas” ang dapat na armasan.
Ito ay sa harap ng pahayag ni Pangulong Rodrigo Duterte na kinukunsidera niya na pahintulutan ang pinuno ng mga barangay partikular na ang mga lumalaban kontra iligal na droga at kriminalidad na magdala ng baril bilang proteksyon.
Ayon kay Suarez, mahalagang makapag pakita muna ng katibayan ang mga barangay officials na makapagsasabing mayroong banta sa kanilang seguridad.
Samantala, naniniwala naman si Buhay Partylist Representative Lito Atienza na trabaho na ng mga pulis ang pagpapanatili ng kaayusan sa mga komunidad lalo na’t sila ang otorisado sa pagbibitbit ng mga armas.
