Arestado na ang pinatalsik na kongresista na si Arnolfo Teves Jr., sa bansang Timor-Leste.
Ayon sa Department of Justice, nahuli si teves habang naglalaro ng golf sa Dili.
Kasalukuyang nasa kustodiya na ng Timor-Leste Police ang pinatalsik na mambabatas habang ang kanyang extradition sa Pilipinas ay inaayos ng Interpol National Central Bureau sa nasabing lugar.
Nabatid na nagtago si Teves matapos siyang ituro bilang mastermind ng pagpaslang kay Negros Oriental Governor Roel Degamo, at sa mga kasamahan nito.
Samantala, ikinalugod naman ni Pamplona, Negros Oriental Mayor Janice Degamo, asawa ng yumaong gobernador, ang pagkakadakip sa nasabing dating congressman.- sa panunulat ni Katrina Gonzales
