Inilabas na ng National Bureau of Investigation o NBI ang artist sketch ng suspek sa pambobomba sa isang pampasaherong bus sa Zamboanga City.
Ayon kay Zamboanga City Police Director Sr. Supt. Angelito casImiro, lalaki ang salarin, may taas na 5’4’’, nasa 25-taong gulang, katamtaman ang pangangatawan, nakasuot ng hood jacket at may suot na backpack nang mangyari ang pagpapasabog.
Ibinatay ang sketch sa kuha sa CCTV at salaysay ng mga testigo.
Kasabay nito, inilabas din ng pulisya ang resulta ng laboratory analysis sa kung anong chemical residue sa ginamit na bomba.
Lumalabas na ammonium nitrate fuel oil ang ginamit sa paggawa ng Improvised Explosive Device o IED.
Extortion o pangingikil ang tinitignang motibo sa pagpapasabog ng isa sa mga bus ng D’Biel Transportation na ikinasawi ng 1 at ikinasugat ng mahigit 30 iba pa.
By Meann Tanbio
