Arestado ng PDEA o Philippine Drug Enforcement Agency ang asawa ng dating alkalde sa isang bayan sa Maguindanao dahil sa iligal na droga.
Ayon sa PDEA-ARMM (Autonomous Region and Muslim Mindanao), dinakip si Fatima Daud Baliwan alyas Timaw, maybahay ni dating Kabuntalan Mayor Muslimin Baliwan sa isang gasoline station sa Cotabato City kahapon.
Tinukoy si Baliwan bilang lider ng Baliwan Drug Group na pangunahing supplier ng droga sa naturang probinsya.
Nakuha sa suspek ang malaking sachet ng hinihinalang shabu, limang (5) cellphone at passbook.
Arestado rin sa naturang operasyon ang tatlo (3) pang mga kasama ni Baliwan.
By Rianne Briones
