Hindi pa nakaalis ng Marawi City ang Abu Sayyaf leader na si Isnilon Hapilon at ang Maute Brothers na pasimuno ng karahasan sa nabanggit na lungsod.
Ito ang paniwala ng Armed Forces of the Philippines sa kabila ng ulat na patakas na ang mga teroristang lumusob at naghasik ng gulo .
Sinabi sa DWIZ ni Afp Spokesman Brig. Gen. Restituto Padilla na patuloy pa ring pinoprotektahan ng mga terorista si Hapilon lalo na at malubha ang tinamong sugat nito.
Mahirap aniyang makatakas si hapilon at mga kasamahan nito dahil bantay sarado na ng militar ang mga lugar na posibleng gawing exit points sa Marawi City.
Sinabi ni Padilla na nagsasagawa na ng clearing operations ang mga tropa ng pamahalaan sa mga lugar na unang kinontrol ng mga terorista.
By: Aileen Taliping
