Inendorso ni superstar Nora Aunor si Sen. Grace Poe sa pagkapangulo para sa 2016 elections.
Ayon kay Ate Guy, nais niyang tumakbo si Poe sa pagkapangulo dahil karapat-dapat ito sa naturang posisyon.
Aniya, magkakampanya siya para kay Poe sakaling magpasya itong sumabak sa 2016 presidential elections.
Naniniwala kasi ang superstar na magiging magandang ehemplo si Poe sa sambayanang Pilipino kapag nahalal na lider ng bansa.
Dumalo si aunor sa hearing ng Senate Committee on Public Information and Mass Media ukol sa ilang panukalang batas na nagsusulong sa local film industry.
Binigyan ito ng komendasyon ng senado dahil sa Lifetime Achievement Award na ipinagkaloob dito ng Asian International Film Festival.
By Cely Ortega-Bueno / Meann Tanbio
