Dinumog at talaga namang pinagkaguluhan ng mga Pilipino sa Singapore si Atty. Liza Marcos, maybahay ni presidential frontrunner Ferdinand “Bongbong” Marcos Jr., makaraang maispatan ito sa lansangan kamakailan.
Sa iba’t ibang post sa social media, makikita si Atty. Liza sa Orchard Road, isang upscale shopping district, sa labas ng Wisma Atria mall, na pinalilibutan ng mga kababaihan na kumukuha ng wefies.
Isa sa mga Tiktok user ang nagsabing “Pinagkaguluhan Atty. Liza Araneta Marcos sa Wisma.”
Isa pa ang nag-post at sinabing “Our first lady Mrs. Liza Marcos in Singapore. Ngiting walang kaplastikan at pakikipag-yakapan na walang bahid ng pagkukunwari. Super open arms to everybody…”
Si Ginang Marcos, isang criminal lawyer at law professor, ay kadalasang wala sa limelight sa mga kampanya ng kanyang mister, subalit isang beses nagpaunlak ng panayam kasama ang isa sa kanilang mga anak na si Vincent kay Boy Abunda noong nakaraang buwan.
Ang 24- anyos na si Vincent “Vinny” Marcos, bunsong anak nina Bongbong at Liza, ay nagtatrabaho bilang software engineer sa Singapore.
