Pumanaw na ang batikang abogado at kilalang Marcos loyalist na si Atty. Oliver Lozano sa edad na 77.
Namatay si Lozano sa Capitol Medical Center dahil sa heart attack kahapon bandang alas-11:00 ng umaga.
Nakaburol ngayon si Lozano sa Mt. Carmel Shrine sa New Manila, Quezon City.
Si Lozano ay nag-serbisyo bilang legal counsel ni dating Pangulong Ferdinand Marcos at siya ring nasa likod ng ilang beses na naghain ng impeachment complaint noon laban kay dating Pangulong Gloria Macapagal-Arroyo.
Tumakbo ngunit hindi pinalad si Lozano na mahalal sa pagka-senador noong taong 2014 at 2007 sa ilalim ng partidong Kilusang Bagong Lipunan.
—-
