Pinamamadali na ng kampo ni Presumptive President Rodrigo Duterte ang pagproklama dito bilang President elect ng bansa.
Ayon kay incoming Presidential Spokesman Atty. Salvador Panelo, napakalaki naman ng kalamangan ni Mayor Duterte sa mga kalaban nito kaya’t marapat lang aniya na iproklama na ito bilang Pangulo.
Sa ganitong paraan din aniya ay mas mapapadali pa ang trabaho ng mga Board of National Canvassers at matutukan ang gitgitang laban sa pagka Bise Presidente sa pagitan nina Congresswoman Leni Robredo at Senador Bong Bong Marcos.
Umapela rin si Atty. Panelo sa apat na nakatunggali ni Duterte sa pagkapangulo na magsumite na ng pormal na pag-concede upang wala nang maging problema pa sa pagproklama kay Duterte bilang Pangulo ng bansa.
By: Ralph Obina
