Agustina Nolasco

Umapela si DILG Sec. Atty. Benjamin Abalos Jr. sa naganap nitong press conference sa kampo krame ngayong araw na magpasa ang lahat colonel at general ng courtesy resignation.

Ito’y isang paraan aniya ng paglilinis ng hanay ng Pulisya matapos matuklasan sa isinagawa nitong isang buwang imbestigasyon na malaki ang problema sa hanay ng pulisya pagdating sa iligal na droga.

Kung saan sangkot ang ilang mga nasa matataas posisyon gaya ng full colonel at general bansa.

Ayon kay Abalos, walang dapat ikatakot ang mga ito kung malinis naman.

Habang ang mga hindi magpapasa ng kanilang resignation may maituturing aniyang kwestyonable gayong wala namang dapat ikatakot kung walang ginagawang masama ang mga ito.

Nabatid na ilang mga pulisya ang nauna nang napaulat at nadakip na sangkot sa kalakaran ng iligal na droga sa Pilipinas.

Pinangunahan ni Army Vice Commander Maj. Gen. Adonis Bajao ang naganap na pagdiriwang ng Bagong Taon ng Philippine Army sa Officers’ Village Park, Fort Bonifacio, sa Maynila kahapon.

Kung saan dinaluhan ng mga opisyal ng militar, civilian human resource at mga pamilya nito ang naturang selebrasyon.
Sa pagdiriwang binigyang pagkilala ng Army Vice Commander ang dedikasyon sa pagtupad ng tungkulin ng mga sundalo sa tao at sa bayan.

Partikular ang papel ng mga sundalo sa pagpapanatili ng kapayapaan sa mga komunidad at sa pagtulong sa mga Pilipinong nasalanta ng kalamidad sa buong bansa.

Nakapagtala ng isang kaso ng indiscriminate firing sa mamburao, Occidental Mindoro ang Philippine National Police nitong pagsalubong sa Bagong Taon.

Ayon kay PNP Public Information Office chief Police Colonel Red Maranan, isang sibilyan ang naturang suspek na agad hinuli ng kaniyang mga kapitbahay at agad ring nadakip ng mga rumespondeng mga pulis matapos magpaputok ng baril sa kanyang bakuran.

Dagdag ni Maranan, sa ngayon ay nangangalap pa ng impormasyon ang pulisya kaugnay sa iba pang posibleng kaso ng indiscriminate firing sa pagsalubong sa Bagong Taon.

Inatasan ni Philippine National Police (PNP) chief General Rodolfo Azurin Jr. ang kanyang mga kawani na i-rehistro ng kanilang simcards.

Ayon sa hepe ng pambansang pulisya, kaniya ring inatasan ang PNP Directorate for Information and Communications Technology Management na bantayan ang pagsunod ng mga police officers at non-uniformed personnels sa kanyang direktiba.

Hinikayat din ni Azurin ang force multipliers at Civic Sector na makipagtulungan sa pagsiguro ng tagumpay ng Republic Act number 11934 para maiwasan ang paggamit sa mga simcards sa anumang uri ng panloloko.

Dagdag sa mga nakalipas na taon umuusbong ang mga bagong banta ng krimen gamit ang teknolohiya para mambiktima ng mga tao na naging banta sa seguridad ng lahat ng cyber transaction.

Lumubo pa sa 49 ang bilang ng mga namamatay dulot ng mga pagbaha dahil pag-ulang dala ng shear lines ayon sa National Disaster Risk Reduction and Management Council (NDRRMC).

Ayon sa pinakahuling situational report ng ahensya, 25 ang naitalang nasawi sa Northern Mindanao, walo mula sa Bicol Region, tig-apat sa Eastern Visayas, Zamboanga Peninsula at Davao Region, tatlo sa Caraga Region at isa naman mula sa Mimaropa.

Sinabi pa sa ulat na 16 dito ang kumpirmado na habang 33 ang kinukumpirma pa sa ngayon.

Umabot naman sa 22 katao ang nawawala habang 16 ang nasaktan dulot pa rin ng mga pagbaha.

Samantala, umabot na rin sa halos kalahating milyong katao o katumbas ng 141,000 na pamilya ang apektado ng shear line na mula sa 959 na barangay sa iba’t ibang panig ng bansa.

Umaasa si Vice President Sara Duterte na ipagpapatuloy ng mga Pilipino ang matatag na bayanihan spirit ngayong taon.

Sa kanyang mensahe sa Bagong Taon, nanawagan ang Bise Presidente na isama ang ating sama-samang determinasyon at katatagan upang magsimulang muli sa kabila ng mga hamon na dala nang nakaraang taon.

Hikayat ni Duterte sa lahat, na tingnan ang  Bagong Taon na puno ng layunin at katatagan upang bumuo ng isang mas mahusay na buhay para sa kanilang sarili at sa kanilang mga komunidad.

Isinilang kasabay ng pagpapalit ng taon ang dalawang malulusog na batang babae sa Doctor Jose Fabella Memorial Hospital.

Ayon sa ulat, alas 12:00 ng ipanganak ni Mommy Mellany Soriano ang baby girl na si Natalie Merey.

Habang dalawang minuto lang ang pagitan ng masilayan ni Baby Ashley ang mundo nang ipinanganak ito ni Mommy Jennilyn Musca.

Salaysay ni Soriano na napawi ang kanyang paghihirap sa panganganak ng kanyang masilayan si Baby Natalie.

Hindi naman inaasahan ni Musca ang paglabas ni Baby Ashley dahil sa January 10 pa ang due date nito.

Sa tala naman ng  Fabella Hospital mas mababa ang bilang ng New Year Baby ngayong 2023 na kanilang naitala kumpara sa mga nakalipas na taon.