Agustina Nolasco

Inirekomenda ni  Davao City 1st District Rep. Paolo Duterte kay New PHILHEALTH President at CEO Emmanuel Ledesma ang paggamit ng  Information and Communications Technology (ICT) upang mapalawig pa ang access sa serbisyo ng state health insurer.

Aniya, malaking tulong ang paggamit nito para  maipaabot ang serbisyong pangkalusugan at maagapan ang  sakit lalo na iyong mga  residente na liblib at malalayong lugar na kulang sa atensyong medikal.

Bukod pa rito iminungkahi rin ng mambabatas ang paggamit ng online platforms para sa pagbabayad ng philhealth premiums at pagpapalawak pa ng ekonsulta system ng PHILHEALTH.

Nagpaabot ng pasasalamat si House Senior Deputy Minority Leader at Northern Samar Rep. Paul Daza sa mga kaukulang  ahensya ng gobyerno na tumugon sa pagsasaayos ng port congestion partikular sa Matnog Port sa Sorsogon at Allen Port sa Northern Samar.

Kabilang sa mga ahensyang pinasalamatan ng kongresista  ay ang Anti-Red Tape Authority (ARTA), Better Regulations Office (BRO) at Department of Transportation (DOTR).

Ayon kay  Daza, malaking tulong  ang naturang reporma sa mga port para sa ekonomiya at upang mapabilis ang mga transaksyon kasabay na rin ng pagdami ng online sellers sa bansa

Naaresto sa Valenzuela ang Top 1 most wanted ng Police Regional Office (PRO) MIMAROPA na kinilalang si Rodel Dela Peña ulan taga Sitio Bacoron, Barangay Apitong, Naujan, Oriental Mindoro na kumakaharap sa sangkaterbang kaso.

Kabilang na rito ang Grave Coercion; 2 count ng robbery with violence against or intimidation of persons;  11 count ng Acts of Lasciviousness ; at 11 count ng paglabag sa Anti-Child Pornography act of 2009.

Kaugnay nito, pinuri ni PRO MIMAROPA Regional Director Police Brig. General Sydney Sultan Hernia ang mga pulis na nakadakip sa naturang suspek.

Bumuo na ang Philippine National Police (PNP) ng tracker team na tututok sa paghahanap sa dalawang suspek na nakita sa isang secret cellphone video na kasama ng isa sa mga nawawalang sabungero na si Michael Bautista.

Ayon kay PNP Criminal Investigation & Detection Group (PNP-CIDG) Spokesperson PMAJ. Mae Ann Cunanan bawat lugar na may naitalang nawawalang sabungero ay mayroong tauhan ang CIDG na nakatutok para sa imbestigasyon.

Aniya, tuloy rin ang pakikipag-ugnayan ng CIDG sa  mga kinauukuluang Police Regional Office para malaman kung nasan ang mga nawawalang sabungero at kung sino ang nasa likod ng pagkawala ng mga ito pati na rin ang motibo sa krimen

Nabatid na kamakailan lamang nang sampahan ng kasong kidnapping at serious illegal detention ng PNP sa Department of Justice sina Julie patidongan alyas Dondon at isang nagngangalang  John Doe.

Hanggang ika-16 ng Pebrero ng susunod na taon na lamang ang pamamahagi ng tulong pinansyal ng Social Security System (SSS) sa mga pensiyonado at mga miyembro nito

Ayon kay SSS President at Chief Executive Officer Michael Regino, ito’y sa pamamagitan ng SSS Calamity Assistance package na binubuo ng Calamity Loan Assistance Program (CLAP).

Kung saan makaka-avail ng 3-month advance pension ang mga sss at employees’ compensation pensioners sa mga lugar na idedeklarang nasa ilalim ng state of calamity na katumbas ng kanilang  isang buwanang salary credit o hanggang P20,000.

Habang hanggang ika-6 ng Enero ng susunod na taon naman maaaring mag-avail ng CLAP ang mga nasalanta ng  bagyong  karding noon