Binigyang diin ni Pangulong “Bongbong” Marcos Jr. Ang kahalagahan ng pagkakaroon ng Philippine Overseas Labor Office (POLO) sa Thailand
Kabilang na rito ay upang mabilis na matugunan ng pamahalaan ang pangangailangan ng mga Pilipino pagdating sa kapakanan ng mga ito at proteksyon
Kasunod ito ng anunsyo ni Department of Migrant Workers Secretary Susan Ople hinggil sa pagkakaroon ng POLO sa nasabing bansa.
Nagpadala ng Food Trucks at Welfare Desk ang Philippine Red Cross (PRC) sa ilang bayan sa Davao Del Sur at ilang lugar sa Mindanao na nasalanta ng flashflood
Kung saan kabilang sa mga nabigyan ng suplay ng pagkain ang 1,306 indibidwal sa mga evacuation center sa Davao Del Sur at General Santos City.
Habang sumailalim sa psychosocial first aid at child friendly spaces activities naman ang ilang mga residenteng apektado ng bagyo at pagbaha.
Siniguro ni Pangulong Ferdinand R. Marcos Jr. na walang magiging problema ang nakatakdang pagbisita ni US Vice President Kamala Harris sa Palawan.
Kung saan ihahayag ng Pangulo kay Harris ang patuloy na magandang relasyon ng Pilipinas at Amerika
Ito’y sa kabila aniya na malapit ang Palawan sa South China Sea gayong malinaw aniya na parte ito ng teritoryo ng Pilipinas
Nadakip ng Quezon City Police District ang dalawang suspek sa pagho-hold-up at pagnanakaw sa barangay san Isidro sa Quezon City.
Ayon sa biktima na si Diem Garcia hinihintay niya ang kanyang live-in partner na si Dennis Mariano sa bahagi ng Cordillera street nang tigilan siya ng dalawang lalaking sakay ng motorsiklo.
Aniya matapos huminto tinutukan siya ng mga ito ng baril at sapilitang inagaw ang kanyang cellphone at agad na tumakas pa-Maynila
Dahil dito, sinundan ng live-in partner ni Garcia ang mga suspek at natunton ang kinaroroonan ng mga ito.
Kaya’t nagsumbong sila sa Galas Police Station 11 at naaresto ang mga suspek na sina Mark Gil Concepcion at Analdo Ebores.
Lusot na sa komite ng Kamara ang substitute bill na mag-aamyenda sa Build-Operate-Transfer (BOT) law at magpapalakas sa Public-Private Partnership (PPP).
Layunin ng naturang panukala na maging kaaya-aya ang PPP projects sa mga mamumuhunan at sa publiko.
Kung saan sakaling tuluyang maisabatas, paglalaanan ng nasa trilyong pisong halaga ng corporate at private sector fund ang infrastructure projects ng gobyerno
Ibinabala ng Department of Energy (DOE) na hihigpitan nito ang pagbabantay sa mga nagbebenta ng gasolina na nakalagay sa bote.
Ayon sa DOE field office Mindanao bukod kasi sa paglabag ito sa DOE retail rules, hindi tiyak ang kalidad ng gasolina sa ganitong mga tindahan, mapanganib sa buhay at ari-arian
Kasunod ito ng talamak na bentahan ng tinging gasolina sa ilang bahagi ng Mindanao.
Ibinabala ni Bureau of Immigration (BI) deputy spokesman Melvin Mabulac ang paggamit ng pekeng Overseas Employment Certificates.
Kung saan karamihan aniya ng gumagamit nito ay mga na-recruit lamang sa social media at hindi dumaan sa Overseas Workers Welfare Administration (OWWA), Philippine Overseas Employment Administration (POEA) at Department of Migrant Workers (DMW).
Ayon kay Mabulac ito’y sa kabila ng pagkakaroon ng DMW ng border control information na bagong paraan para mas maging madali at mabilis ang pagproseso sa dokumento ng mga overseas worker, kung saan nasa sistema ng bi ang certificate ng mga manggagawang aalis sa bansa.
Naghahanda na ang lokal na pamahalaan ng Quezon City kasama ang mga kinatawan ng Metro Manila Film Festival (MMFF) para sa nalalapit na parade of stars sa December 23 at gabi ng parangal sa December 27.
Kabilang sa napag-usapan ay ang traffic management plan para sa magiging ruta ng parada, paraan upang maiwasan ang trapiko at pagtiyak sa kaligtasan ng mga manonood.
Nabatid na December 25 hanggang January 7, 2023 ipapalabas ang mga pelikulang tampok sa MMFF
Nagdiwang ng kanilang 1st wedding anniversary ang mag-asawang sina Ellen Adarna at Derek Ramsay sa Peru.
Kung saan makikita sa instragram post ni Ellen ang larawan nang tila muling pagpapakasal nilang dalawa na may caption na ‘today, we got married again’
Ito’y sa pamamagitan ng peruvian despacho ceremony sa pangunguna ng isang local shaman na makikita sa larawang post ng aktres
Ililibing na sa lunes si Teacher Janice Pontillas , ang namatay na guro na lulan ng nahulog sa banging school bus sa Orani,Bataan
Kung saan kasama nito ang kapwa nito mga guro na dumalao sa gender and development seminar na maswerteng nakaligtas sa aksidente
Ayon sa asawa ng biktima, hindi pa nakakapagpasya ang pamilya nito kung magsasampa ng reklamo ang bus driver dahil sa ngayon ay burol pa nang nasawing guro ang prayoridad ng pamilya
Habang sa ngayon pansamantala munang nakalaya ang driver habang hinihintay pa ang reklamo ng pamilya ng biktima