Nasawi ang isang construction worker na si alyas Lando matapos masalpok ng SUV sa kahabaan ng Barangay Acasia sa Malabon City
Batay sa ulat, ford territory na may plakang cax-4822 ang nakabangga sa biktima na bibili lang sana sa katabing tindahan ng pinagtatrabahuhan niyang construction site nang mangyari ang insidente
Habang nadamay din sa aksidente ang isang motorsiklo at isang jeep.
Habang patuloy pa ang imbestigasyon ng mga awtoridad sa naganap na insidente .
Ipinagpaliban ng lokal na pamahalaan ng Maynila ang nakatakda sanang pagbubukas ng Manila Zoo sa Martes, ika-15 ng Nobyembre.
Ayon kay Manila Mayor Honey Lacuna-Pangan, sa ika-21 ng Nobyembre na lang ito gagawin dahil sa pakiusap ng mga stall owners para mas mapaghandaan ang pagbubukas ng zoo sa publiko.
Tuloy-tuloy pa rin naman aniya ang pagsasaayos dito na bubuksan simula alas-9:00 ng umaga hanggang alas-8:00 ng gabi ngunit hanggang ala- 6:00 ng gabi lamang ang cut-off sa mga papasok .
Para sa mga nagnanais namang mamasyal sa zoo kailangang magparehistro online via manilazoo.ph na magsisimula sa ika-20 ng Nobyembre.
Nagkakahagala naman ng P150 ang admission fees para sa mga bata at nakakatanda na residente ng maynila at P300 sa hindi residente.
Habang P100 naman para sa mga estudyante kapag nakatira sa nasabing lungsod at P200 kapag hindi, habang may 20% discount naman ang ang mga senior citizens at PWD’s.
Sa mga edad 2 pababa naman ay libre ang pagpasok sa naturang zoo.
Tiniyak ng National Housing Authority (NHA) ang tuloy-tuloy na pamamahagi nito ng P10,000 cash-aid para sa mga nasalanta ng Bagyong Odette sa Palawan.
Ito’y sa ilalim ng special emergency housing assistance program ng ahensya.
Batay sa ulat ng NHA, nasa 1,641 nang pamilya ang naabutan nito ng tulong pinansyal mula sa Taytay Palawan at 200 pamilya sa bayan ng Roxas.
Siniguro ni Senador Sonny Angara na maraming alokasyon para sa ayuda na ikinalat sa iba’t ibang ahensya ng gobyerno sa ilalim ng 2023 National Budget.
Ayon kay Angara, nasa P200 -B ang masasabing ayuda at P 20-B para sa tulong panghanapbuhay sa ating disadvantaged o TUPAD program.
Kabilang na dito ang P 5-B para sa Department of Transportation (DOTR) gayondin ang ayuda para sa mga magsasaka sa ilalim ng Department of Agriculture, social pension ng indigent senior citizen at iba pa.
Nagpaabot ng pakikiramay si Pangulong Bongbong Marcos Jr. sa mga pamilya ng higit 130 nasawi ng pagguho ng pedestrian bridge sa western india na naganap noong ika-30 ng Oktubre.
Ipinaabot ng pangulo ang pakikiramay sa kanyang pagdalo sa 19th ASEAN-India Summit in Phnom Penh, Cambodia nitong sabado.
Ayon sa pangulo dalangin din nito ang mabilis na kagalingan ng mga nasugatan dahil sa insidente.
Nabatid na overloading ang itinuturong dahilan ng pagguho ng naturang tulay na muling binuksan isang linggo matapos isaayos
Makararanas ng Kalat-kalat na pag-ulan ang ilang bahagi ng bansa dahil sa Intertropical Convergence Zone (ITCZ) na nakakaapekto sa Southern Mindanao.
Habang bahagyang maulap hanggang sa maulap na papawirin na may pulo-pulong mga pag-ulan, pagkulog at pagkidlat
Samantala, posibleng maranasan naman ang mga pagbaha at pagguho ng lupa dulot ng malalakas na pag-ulan
Tiniyak ng Philippine Port Authority (PPA) na buo na ang operasyon ng Port of Lucena pagkatapos ng Undas
Batay sa PPA, sa tulong ng Lucena City Risk Reduction Management Office natanggal na ang lahat ng debris sa pantalan dala ng bagyong Paeng na nagpabagal sa paggalaw ng mga sasakyang pandagat
Habang inihingi naman ng paumanhin ni PPA general manager Jay Daniel Santiago ang naidulot na pagkaantala ng operasyon ng pantalan.
Bukas na malalaman kung ipagpapatuloy pa o ititigil na ang search and rescue operations sa 17 nawawalang indibidwal dahil sa paghagupit ng bagyong Paeng sa Maguindanao.
Ayon kay Maguindanao Provincial Administrator Atty. Cyrus Torreña, isasagawa ang pagpupulong bukas kasama ang Provincial Disaster Risk Reduction and Management Office (PDRRMO).
Kasunod ito ng rekomendasyon ng Philippine Coast Guard na itigil na ang search and rescue operations at sa halip ay magsagawa na ng retrieval operations na nangangahulugan isasama na sa death toll ang 17 nawawala.
Nasawi ang isang sundalo matapos atakihin ng armadong grupo sa Datu Hoffer Ampatuan sa Maguindanao Del Sur habang dalawa naman ang sugatan.
Kinilala ang nasawing sundalo na si private first class Jomar Saladar at ang dalawang sugatang sundalong sina Sgt. Allan Rey Estanda at private Carl Araña na isinugod na sa ospital.
Batay sa ulat ng 601st infantry brigade (IB), nagbabantay ang mga sundalo ng 40th Infantry Batallion at mga boluntaryong sibilyan sa pagsasaayos ng nasirang tulay sa barangay Labulabu II nang sumalakay ang grupo nitong Biyernes.
Kung saan umabot ng higit isang oras ang palitan ng putok bago umatras ang grupo, na sinasabing mga miyembro ng bangsamoro islamic freedom fighters, ani maj. Saber balogan ng 601st IB.
Dahil dito nagsagawa na ng pursuit operations ang militar sa kaugnay sa naganap na insidente.
Binago ng Department of Environment and Natural Resources-climate change service at gender and development office ang deadline para sa pagpapasa ng mga entry sa mga kwentong klima-likasan recognition awards at sining-likhasan nationwide short film competition ngayong taon.
Mula sa dating hanggang November 5 na lamang ay itinakda na ito sa November 15 at 12
Ayon kay DENR undersecretary Analiza Rebuelta-Teh, layunin ng naturang awarding na kilalanin ang mga kuwento ng mga indibidwal, grupo, at mga yunit ng lokal na pamahalaan ng probinsiya sa pagtugon sa climate change at mga kalamidad kung saan makatatanggap ng cash prize ang mananalo.