Agustina Nolasco

Umabot sa 11.3% o 2.9M pamilya ang bilang ng mga pilipinong nagsasabing nakaranas sila ng hindi sinasadyang kagutuman ayon sa survey ng Social Weather Stations (SWS)

Kung saan batay sa  tala ngayong quarter 9.1 % o katumbas ng 2.3M pamilya ay nakaranas naman ng moderate hunger at  2.2 % o katumbas ng 573,000 pamilya ay nakaranas ng labis na pagkagutom

Base sa datos ito’y 1.6% o tinatayang 2.9M pamilya na nagutom noong hunyo 2022, at mas mababa nang bahagya sa 12.2% o 3.1 milyong pamilya noong abril 2022.

Gayonman mas mataas pa rin ito ng 1.3 points sa 10% noong setyembre nang nakaraang taon at 2.0 points na mas mataas sa pre-pandemic annual average na 9.3% noong 2019.

Kanya-Kanyang tulong sa kani-kanilang nasasakupang distrito ang mga kongresista sa gitna ng pananalasa ng Bagyong Paeng

Kabilang na sa mga ito sina Maguindanao First District Cotabato City Representative Bai Dimple Mastura na nag-ikot sa Sultan Kudarat upang mamahagi ng relief goods para sa mga residenteng apektado ng baha dahil sa bagyo.

Gayondin si Cavite 1st District rep. Jolo revilla,kung saan sisimulan na anila ang pagbabalot ng relief supplies  na mula sa DSWD.

Habang ayon naman kay House Speaker Martin Romualdez, maglalaan sila ng pondo para simulan ang pagbili ng mga kakailanganing relief goods tulad ng bottled waters, canned goods, bigas at iba pang basic necessities na ipadadala sa mga apektadong komunidad.

Aabot sa 108 tauhan ng National Capital Region Police Office (NCRPO) ang pinakalat sa mga evacuation centers at 108 rin sa mga vital installations at 4 na unit sa mga lugar kung saan nagsilikas ang mga pamilyang sinalanta ng bagyong Paeng.

Ayon kay PBGEN. Jonnel Estomo nasa full alert na ang kanilang status para search and rescue operations at para magpa-abot ng tulong sa mga nasalanta gaya ng repacking ng relief goods.

Gayondin upang mabantayan ang mga creeks, dams at mga ilog sakaling tumaas ang lebel ng tubig.

Pumalo na sa P23.3-M ang nagastos ng Department of Social Welfare and Development (DSWD) para sa  mga nasalanta ng Bagyong Paeng

Kung saan nasa 1.2M apektadong indibidwal ang target mabigyan ng pagkain at non-food items ng kagawaran.

Habang sa ngayon ay may P1.4B standby funds ang kagawaran.

Sarado ngayong araw ang ilang sementeryo sa Pasig, Maynila at Valenzuela dahil sa masamang panahon dulot ng Bagyong Paeng.

Kabilang na dito ang Pasig City Cemetery, South at North Cemetery sa Maynila.

Habang lahat naman ng sementeryo , kolumbaryo at memorial park sa Valenzuela City ay sarado rin ngayong linggo.

Nanatili pa rin sa 7 evacuation center sa Maynila ang 457 pamilya o katumbas ng 1, 744 na indibidwal dahil sa  Bagyong Paeng

Ilan sa mga ito ay dahil sa lubog pa rin sa baha ang kanilang mga bahay dulot ng bagyo

Kung saan pinakamarami sa mga ito ay pansamantalang nakasilong sa Baseco evacuation center

Dahil dito, kinansela ni  Acting Mayor, Vice Mayor Yul Servo ang lahat ng mga sunday classes sa lahat ng pampubliko at pribadong paaralan kabilang ang online classes sa lahat ng lebel .

Habang sarado pa rin  sa publiko ngayong araw  ang  Manila North at Manila South Cemetery bilang pag-iingat sa bagyo.

Nagsagawa ng kabi-kabilang  donation drive ang ilang non-government organizations upang matulungan ang mga nasalanta ng Bagyong Paeng

Kabilang na dito ang Caritas Manila at Angat Buhay, na nangangalap ng food packs, wash kits, mga gamit pantulog at mga gamit sa pagsasayos ng bahay.

Habang bukod sa pera, tinanggap din ng grupo ang mga kumot, pagkain na handa nang kainin, bigas, bottled water, mga sanitary kit, face mask at rubbing alcohol para i-donate sa mga nasalanta

Balik na sa normal ang biyahe sa mga karagatan sa Central Visayas ayon kay Philippine Coast Guard Central Visayas Spokesperson Ensign Jordz Emata.

Ito’y matapos pansamantalang suspendihin ang mga biyahe dahil sa hagupit ng Bagyong Paeng

Ayon kay Emata, kalmado naman na at bumuti na ang kondisyon ng  karagatan sa rehiyon.

Habang kabilang sa mga biyaheng pinapayagan na ay ang mga biyahe patungong   Bohol, Southern Leyte, Seaboards ng Mindanao at iba pa.

Nabatid 1,395 na pasahero, 341 rolling cargoes at 62 na sasakyang pandagat ang na-stranded dahil sa suspensiyon ng mga biyahe sa nasabing rehiyon

Nasayang lamang ang nagkakahalaga ng P3-M palm oil  matapos matumba ang isang trailer truck lulan ang 25 toneladang  sa isang kalsada sa Iloilo City.

Base sa salaysay ng truck driver paakyat siya ng tulay nang matanggal ang isang gulong ng minamanehong truck dahilan para matumba ang sasakyan.

Matapos ang aksidente ang mga residente at kaniya-kaniya nagsikuhaan ng natapong mantika

Pinatigil naman ang mga ito ng awtoridad dahil posibleng kontaminado na anila ang mantika  at hindi na puwedeng gamitin sa pagluto.

Habang pansamantalang isinara na muna ang kalsada at nilinis upang maiwasan ang aksidente.

Nakahanda na ang Department of Transportation (DOTr) sa inaasahang pagdagsa ng mga tao sa nalalapit na paggunita sa araw ng mga yumao at banal o undas ngayong taon.

Ayon kay DOTr Secretary Jaime Bautista  pinalawak na ang air, land, at sea travel units para ma-accommodate ang inaasahang pagtaas ng bilang ng mga pasahero.

Habang nakatakdang ilunsad ng mga travel port ang taunang “Oplan Biyaheng Ayos” sa huling bahagi ng linggong ito upang tugunan  ang  pangangailangan ng mga pasahero