Agustina Nolasco

Bumuo ng Inter-Agency Council para sa Pasig River urban development ang Pangulong Ferdinand R. Marcos Jr. para sa rehabilitasyon ng Pasig River.

Batay sa Executive Order (EO) no. 35, ito ang titiyak sa rehabilitasyon ng riverbanks, sa kahabaan ng Pasig River water system at mga kalapit na water systems.

Pati na rin ang pagbuo ng Pasig river urban development plan at magpatupad ng coordinated at integrated rehabilitation ng Pasig riverbanks system at mga kalapit na water systems.

Kung saan  ito ay pamumunuan ng secretary of the Department of Human Settlements and Urban Development (DHSUD).

Habang magsisilbing Vice-Chair naman ang Metropolitan Manila Development Authority (MMDA) Chairman, na mayroong 13 kasaping ahensya ng gobyerno.

Kabilang na dito ang Department of Public Works and Highways (DPWH), Department of Environment and Natural Resources (DENR), Department of the Interior and Local Government (DILG), Department of Tourism (DOT) at Department of Transportation (DOTr).

Gayundin ang Department of Finance (DOF), Department of Budget and Management (DBM), National Historical Commission of the Philippines (NHCP) at iba pa.

Mabuti ang kondisyon at nasa ligtas na kalagayan ang mga tripulanteng lulan ng motor tugboat na sumadsad sa Palaui Island sa San Vicente, Santa Ana, Cagayan kahapon.

 Ayon sa Philippine Coast Guard (PCG) kabilang na dito ang kapitan ng nasabing tugboat.

Nabatid na sinubukan pa ng kapitan ng tugboat na imaniobra ito para sumilong ngunit dahil sa malaki at malakas na alon ay naanod ang tugboat sa mababaw na bahagi ng isla.

Nagnegatibo sa pagtagas ng langis o oil spill ang sumadsad na M/TUG SEDAR 7 sa Palaui Island, Barangay San Vicente, Santa Ana, Cagayan.

Ito ang kinumpirma ng Philippine Coast Guard (PCG) kasunod ng isinagawang paunang oil spill assessment ng Marine Environmental Protection (MEP) Force matapos sumadsad sa mababaw na bahagi ng isla.

Nabatid na nailigtas ng mga tauhan ng PCG ang 11 crew members at ang kapitan ng nasabing tugboat.

Aabot sa dalawang libong family food packs ang ipinamahagi ng Department of Social Welfare and Development (DSWD) Field Office 2 para sa mga apektado ng bagyong Egay at Habagat sa Calayan Island.

Kasunod ito ng mandato ng Pangulong Ferdinand R. Marcos Jr. na tutukan ang early recovery at rehabilitasyon ng mga napinsalang pamilya ng sama ng panahon.

Kaugnay nito batay sa tala ng DSWD-Disaster Response and Management Bureau, nasa P2.1 Bilyon na halaga ng mga pagkain at non-food items ang nakalatag na sa iba’t ibang DSWD warehouses sa buong Pilipinas.

Hindi pa rin madadaanan ang 19 na national road sa Northern at Central Luzon ayon sa Department of Public Works and Highways (DPWH).

Kasunod ito ng pananalasa ng bagyong Egay na nag-iwan ng mga pinsala sa kalsada bunsod ng pagguho ng lupa, pagbaha at pagkatumba ng mga puno.

Kung saan sampu (10)  dito ay sa Cordillera Administrative Region, lima (5) sa region 1 at apat (4) sa Region 3.

 Habang apat (4)  din road sections ang may limited access, isa (1) sa CAR at tatlo (3) sa Region III.

Nagpadala na ng 20 man team ang Metropolitan Manila Development Authority (MMDA) sa Cordillera Administrative Region upang umasiste sa mga apektado ng bagyong Egay.

Gaya na lamang ng road clearing operations sa mga binaha at may pagguho ng lupa.

Ayon kay MMDA Acting Chairman Atty. Don Artes, tatlong team ang ipinadala sa Kabayan, Abra at isa naman ang sa Benguet mula ang mga ito sa public safety division ng MMDA.

Kung saan dala ng mga ito ang mga solar-powered water purifiers para sa sapat na suplay ng tubig.

Gayundin ang mga gamit sa clearing operation tulad ng chainsaw, rotary saw, generator, rechargeable light, at iba pa.

Ikinagulat  ni Senator Imee Marcos ang pakahulugan ng  Philippine Statistics Authority (PSA) sa “employment” o trabaho kaya naitala ang napakataas na employment rate sa bansa na pumalo sa 95.7%.

Kung saan sinama ng PSA sa datos ang mga may-ari ng sariling negosyo, housewives, mga indibidwal na nagtrabaho kahit isang araw lang sa loob ng tatlong buwan o isang oras sa nakalipas na buwan.

Gayundin ang mga wage and salary workers at ang mga self—employed na walang tiyak na  buwanang kita.

Giit ni Senator Imee kung ganito ang depenisyon sa employment ay talagang mataas ang magiging datos nito.

Bunsod nito panawagan ng mambabatas na sa PSA na ayusin ito at iulat ang tunay na kalagayan ng bansa.

Pumalo na sa higit dalawang bilyon ang halaga ng pinsala sa sektor ng agrikultura at pangisdaan ng bagyong Egay at habagat na tumama sa bansa.

Batay sa pinakahuling tala ng NDRRMC ₱832,816,645 mula sa kabuuang halaga ng pinsala ay sa sektor ng agrikultura at pangisdaan.

Habang ₱1.191 billion naman ang naitalang pinsala sa imprastraktura sa Region 1, MIMAROPA, Regions 5, 6, 11, 12 at Bangsamoro Autonomous Region in Muslim Mindanao (BARMM).

Samantala , umakyat din sa  164,430 pamilya o katumbas ng  582,288 indibidwal ang bilang ng mga apektado  at 9,429 kabahayan ang nasira at  376 mula sa mga ito ay lubos na nasira.

Nabatid na nakalabas na ng bansa ang  bagyong Egay sa Pilipinas ngunit nasa red alert status ang NDRRMC at mga regional offices upang paghandaan naman ang bagyong Falcon.

Itinaas na sa severe tropical storm ang bagyong Egay ngayong Linggo  habang wala pa namang tropical cyclone wind signal na itinataas sa ilang bahagi ng Bicol Region at Eastern Visayas.

Batay sa monitoring ng  DOST-PAGASA, huling namataan ang sentro ng bagyo sa layong 610 kilometro, silangan ng Daet, Camarines Norte.

Habang kumikilos ito  pa-kanlurang bahagi ng bansa, taglay ang lakas ng hanging aabot sa 95 kilometers per hour malapit sa gitna at pagbugsong nasa 115 kilometers per hour.

Inaasahan namang hihina na ang bagyo sa Miyerkules at posibleng tumama sa Taiwan.

Aabot sa 900 kabataang Pinoy ang inaasahang dadalo sa World Youth Day (WYD) sa Lisbon, Portugal mula August 1 hanggang 6 ngayong taon.

Inaasahang pangungunahan ni Pope Francis ang nasabing aktibidad pati na rin ang missioning mass sa huling araw ng pagtitipon.

Ayon kay Fr. Jade Licuanan ng  Episcopal Commission on Youth – Philippines , natatangi ang WYD na gaganapin sa Agosto dahil ito ang kauna-unahang WYD na ipinagpaliban dahil sa pandemya.

Kaugnay nito, 13 dioceses, 9 church organizations, 2 paaralan at 6 katao ang magmumula sa bansa mula sa 300k kabataang katolikong sa buong mundo na dadalo sa naturang aktibidad.