Agustina Nolasco

Pumalo na sa 960 ang bilang nang inilikas sa Region 2 ayon kay National Risk Reduction and Management Council (NDRRMC) spokesperson Asec. Raffy Alejandro dahil sa bagyong Neneng

Ito’y matapos maglandfall ang naturang bagyo at itaas sa Signal no. 3 ang ilang bahagi ng Batanes at Babuyan Islands kaninang umaga.

Habang sa ngayon ay wala pa naman aniyang inaanunsyong suspensyon ng klase sa mga lugar na apektado ng bagyo ngunit kung hanggang mamayang gabi o bukas aniya’y mayroon pa ring tropical cyclone wind signal na nakataas automatic nang suspendido ang klase hanggang grade school o elementary.

Iginiit ni University of the Philippines (UP)- Los Baños professor Antonio Contreras na dapat nang magtalaga ng Department of Health Secretary si Pangulong Bongbong Marcos.

Ito’y dahil hanggang sa ngayon wala pang kalihim ng kalusugan ang bansa.

Ayon kay Contreras, dapat magtalaga na ang Pangulo ng kalihim upang ipakita kung gaano nito kaprayoridad ang pampublikong kalusugan.

Giit nito kung talagang nais ng Presidente si DOH Officer in Charge (OIC) Maria Rosario Vergeire ,  italaga na muna  niya ito bilang kalihim kung naghihintay ito na may italaga na  natalo sa eleksyon na hindi pa pwede sa ngayon.

Nagpahayag ng pagkabahala ang ilang mamamahayag sa naganap na biglaang pagbisita ng isang nakasibilyang Pulis sa bahay ng journalist na si JP Soriano upang alamin kung nakatatanggap ito ng anumang banta sa kanyang buhay bilang isang mamamahayag.

Ito’y kasunod ng pagpatay sa radio broadcaster na si Percy Lapid.

Kung saan, batay sa opisyal na Facebook account ni Soriano, sinagot naman niya ang naturang Pulis na wala siyang natatanggap na banta.

Ngunit  hiningan umano siya ng  litrato para sa dokumentasyon, pero tumanggi siya at agad na iniulat sa otoridad ang nangyari.

Kaugnay nito agad namang humingi ng paumanhin si National Capital Region Police Office (NCRPO) chief Brig. Gen. Jonnel Estomo, matapos na magdulot ng takot at alarma ang nasabing pagbisita.

Paglilinaw nito paraan lamang aniya ito ng pulisya upang makapagbigay ng security assistance sa mga mamamahayag at kanilang pamilya kung kakailanganin.

Binigyang diin ni Manila Mayor Honey Lacuna na hanggang October 25 na lamang ang paglilinis at pagsasaayos sa Manila North at South Cemetery at hindi na ito palalawigin pa.

Kaugnay nito, hindi papayagan ang pagdadala ng anumang gamit na panlinis sa mismong araw ng Undas.

Nabatid na nauna na ring inanunsyo nina Manila North Cemetery director Yayay Castaneda at South Cemetery head Jonathan Garzo na ang petsa ng libing ay pansamantalang suspendido mula October 28 hanggang November 2 at muli itong ibabalik sa November 3.

Habang ayon naman kay Lacuna, dahil ito sa inaasahang pagdagsa ng mga magtutungo sa mga nasabing sementeryo.

Gayunman, tuloy pa rin naman aniya ang cremation ngunit para lamang ito sa mga namatay dahil sa Covid-19.

Isinusulong ni Commission on Elections na isakriminal ang nuisance candidates.

Kasunod ito ng pagpapawalang bisa ng comelec kamakailan sa pagkapanalo ni Negros Oriental governor Henry Teves noong Mayo 2022 sa gobernatorial race

Matapos na ang mga boto na nakuha ng isang nuisance candidates na   nagngangalang “Ruel Degamo” ay na-credit sa isa pang kalaban nito na si dating gobernador Roel Degamo.

Ayon kay Comelec spokesperson John Rex Laudiangco, dapat itong ma-criminalize dahil sa nagiging uso ito.

Dahil kada eleksyon na lang aniya ay, mayroon at mayroong tumatakbo na halos kapangalan, katunog ng pangalan ng mga lehitimong kandidato na ang tanging dahilan ay para gawing mockery ang eleksyon at lituhin ang mga tao.