Agustina Nolasco

Umakyat na sa P304,245,310 ang pinsalang naidulot ng bagyong Karding sa imprasktraktura ayon sa pinakabagong tala ng National Disaster Risk Reduction and Management Council (NDRRMC).

Kung saan 43 sa mga imprastrukturang nasira ng bagyo ay mula sa Ilocos Region, Cagayan Valley, Mimaropa, Bicol Region, at Cordillera Administrative Region (CAR).

Habang 27 mula sa mga imprastrukturang ito ay mula sa Cagayan Valley na nagkakahalaga ng P280,297,910.

Bukod pa rito nakapagtala rin ang NDRRMC ng 58,172 na kabahayang naapektuhan  ng hagupit ng bagyo

Kung saan 52,802 kabahayan ang mula sa Central Luzon, 5,099 sa Calabarzon, 262 sa Ilocos Region, lima sa CAR, at apat sa Cagayan Valley.

Sa mga apektadong bahay na ito, 51,022 ang bahagyang nasira, at 7,150 ang lubhang nasira ng bagyo.

Hinimok ni senate minority leader Aquilino “Koko” Pimentel III ang Department of Public Works and Highways (DPWH) na maging transparent sa P544-billion lump sum appropriations na inihain nito  sa ilalim ng proposed budget para sa 2023.

Ayon kay Pimentel, bawat piso sa budget ay dapat paghiwa-hiwalayin, lumang tugtugin na rin aniya ang pagtatago ng bilyon-bilyong halaga ng lump sum at dapat iwasan ang ugaling ito.

Bukod pa rito prone rin aniya ang naturang lump sum sa pang-aabuso at discretion.

Nabatid na batay sa national expenditures program, ang dpwh ay P718.4 bilyong pondo sa ilalim ng panukalang P5.268 trilyon para sa susunod na taon.

Nakumpiska ng otoridad sa dalawang suspek ang 6 na sachet ng  P200 k halaga ng hinihinalang shabu at isang brown na pouch  sa isang buy-bust operation na ikinasa ng mga otoridad sa  Quezon City  na kinilalang sina alyas Dodoy at John.

Kung saan ang alyas dodoy ay naaresto na noong 2021 dahil naman sa sugal.

Ayon kay P/Lt. Anthony Dakil, una nilang minanmanan ang bahay sa Barangay Pasong Tamo kung saan nahuli ang mga suspek,  dahil sa pugad umano ito ng sugal  na anilay sinamahan ng drugs at bentahan ng shabu.

Sa ngayon nasa custodial facility na ng QCPC station 14  ang dalawa , na nahaharap  sa kasong  paglabag sa  Republic Act 9165 o ang Dangerous Drugs Act of 2002.

Isinusulong ni Senate Basic Education Committee Chairman Senator Sherwin Gatchalian ang pagbuo ng online library.

Ito’y upang mabigyan aniya ng access o digital copy ng learning materials  ang mga mag-aaral sa  elementarya at highschool.

Sa Senate Bill no. 477 o Philippine Online Library Act, na inihain ng senador inaatasan ang Department of Education (DepEd) katuwang ang National Library of The Philippines na gumawa ng digital na kopya ng lahat ng libro at reference books.

Kung saan aatasan din ang DepEd na magbigay ng computers, laptops, at iba pang naaangkop na device sa lahat ng pampublikong elementarya at sekondaryang paaralan sa buong bansa upang matiyak ang access sa mga materyales.

 Habang ang Department of Information and Communications Technology (DICT) ay dapat tiyakin  ang libre, maaasahan, at secure na internet access” sa mga paaralan

Inihayag ng samahan at ugnayan ng mga konsyumer para sa ikauunlad ng bayan o suki na aabot sa P 9,900 mula  P 7,000 bago magpandemya  ang kailangan ng isang public college student sa Metro Manila upang makapamuhay ng disente kada buwan

Ayon kay Suki Convener Louie Montemar, para ito sa budget para sa transportasyon, pagkain at upa sa tirahan.

Gayong kahit estudyante aniya ay apektado ng inflation

Matatandaang naitala ang 6.3% na inflation rate sa bansa nitong Agosto na bahagyang mas mababa kumpara sa 6.4 % noong Hulyo.