Tinamaang ng Covid-19 si ni Oriental Mindoro Gov. Humerlito “Bonz” Dolor at kanyang asawa matapos magpositibo ang dalawa sa naturang virus.
Ayon sa Gobernador, nakaranas ito ng pananakit ng katawan at lagnat nitong Miyerkules ng gabi.
Habang halos wala naman aniyang sintomas na naramdaman ang kanyang may bahay na fully vaccinated na at naturukan na rin booster shot.
Bunsod nito, panawagan ng ni Dolor sa kanyang mga nasasakupan na magpabakuna at magpa-booster na kontra Covid-19.
Arestado ang dalawang suspek na umano’y may kinalaman sa kalakalan ng iligal na droga sa Navotas sa ikinasang buy-bust operation ng Pulisya sa Lungsod.
Nakumpiska sa mga suspek ang 2 kilo ng hinihinalang marijuana na nagkakahalaga ng aabot sa P300,000 at isang kalibre 22 na revolver.
Habang nahaharap ang mga suspek sa kasong paglabag sa RA 9165 o Comprehensive Dangerous Drugs Act, at RA 10591 o Comprehensive Firearms and Ammunition Regulation Act.
Mapalad na nakaligtas ang tatlong minero matapos ma-trap sa isang minahan sa Ampucao, Itogon, Benguet.
Ito’y matapos marescue ng Itogon PNP, Philex mines rescue team at iba pang volunteer ang mga minerong natrap ng gumuhong lupa nitong Sabado.
Habang sa ngayon nasa mabuting kalagayan na ang mga naturang minero na agarang isinugod sa Sto. Niño Philex Hospital matapos ma-rescue.
Naapektuhan ang ilang flights ng mga pasahero sa ginagawang maintenance sa Ninoy Aquino International Airport (NAIA).
Ayon sa Manila International Airport Authority (MIAA) pansamantalang isinara ang International Runway 06-24 ng NAIA mula 1:30 a.m. hanggang 6:20 a.m. kanina para sa pagsasaayos ng lubak sa semento.
Habang, nanatiling bukas naman ang Domestic Runway 13-31
Samantala, naayos naman na ang pag-aayos sa International Runway at bumalik na sa normal ang operasyon bandang alas-7 ng umaga ngayon ding araw.
Kasado na ang Task Force Manila Shield bilang bahagi ng paghahanda nito sa seguridad sa kauna-unahang State of the Nation Address (SONA) ni Pangulong Ferdinand “Bongbong” Marcos Jr., sa Lunes.
Ayon kay PNP spokesperson Police Colonel Jean Fajardo ipapakalat ang mga alagad ng batas madaling araw pa lamang ng Lunes sa lahat ng checkpoints sa paligid ng Batasang Pambansa kung saan gaganapin ang SONA.
Dagdag nito, kahapon pa lamang ay activated na ang naturang Task Force at nagsimula na nang maglagay ng mga random checkpoint.
Bumaba sa ika-9 na puwesto ang lungsod ng tokyo sa japan sa listahan ng most expensive city para sa mga taong nagtatrabaho sa abroad.
Bunsod ito ng humihinang palitan ng yen kontra dolyar at iba pang currency ayon sa Mercer’s Cost Of Living Survey.
Epekto rin anila ito ng COVID-19 pandemic , sigalot sa pagitan ng Russia at Ukraine, pagtaas ng mga presyo ng mga bilihin na naging dahilan para sa pagkagipit sa buong mundo.
Samantala, nakabalik naman sa unang puwesto ng most expensive city ang Hong Kong ngayong taon matapos maungusan ng Ashgabat sa Turkmenistan noong 2021.
Nasabat ng mga otoridad sa Davao City ang higit sa dalawang milyong pisong halaga ng mga iligal na pinuslit na sigarilyo.
Nakumpiska ng Task Force Davao ang mga naturang smuggled na yosi sa isang checkpoint sa sirawan matapos timbrehan ang mga otoridad ng isang informant.
Habang dalawang suspek sa naturang smuggling ang naaresto ng pulisya na nahaharap ngayon sa kasong paglabag sa Republic Act no. 4712 o Tariff and Customs of Code of the Philippines.
Kinansela ang TV apperance ng KPOP group na Lapillus ngayong linggo dahil sa mataas na lagnat ng isang Pinay member nito na si Chantal Videla o Chanty.
Batay sa ulat nakatakda sanang mag-perform ang naturang grupo sa Korean TV music show na Inkigayo subalit dahil sa mataas na lagnat ng nasabing Pinay hindi ito natuloy.
Ayon sa MLD Entertainment, dinala na sa ospital si Chanty at pinayuhan ng doktor na magpahinga.
Habang humingi naman ang naturang kumpanya ng paumanhin sa mga fans ng grupo dahil sa naunsyameng perfromance ng mga ito.
Matatandang si Chanty ay dating kapamilya aktres na naging bahagi ng cast ng television show na Hiwaga ng Kambal at Starla.
Pinarangalan bilang pinakamabilis sa sports na track and field ang amerikanong atletang si Fred Kerley.
Ito’y matapos unahan ni Kerley sa 100 meter race ang kanyang mga katunggali sa World Track and Field Championships na ginanap sa Eugene, Oregon nitong Sabado na sina Marvin Bracy at Trayvon Bromell.
Nasungkit ng naturang manlalaro ang kampyonato matapos makapagtala ng 9.86 seconds sa karera habang 9.88 seconds naman ang tulin ng kanyang mga nasabing katunggali.
Bunsod nito, nakapagtala ang Amerika ng kauna-unahang medalya sa World Men’s 100m Track and Field competition mula noong 1991.
Pinamamadali na sa Department of Health (DOH) at Health Technology Assessment Council (HTAC) ni dating Presidential Adviser for Entrepreneurship Joey Concepcion ang pagtuturok ng ikalawang dose ng COVID-19 booster shot sa edad 50 pataas.
Ayon kay Concepcion kailangang makatanggap na ng booster shot ang 70% na fully vaccinated na Pilipino upang matamo ang opsyonal na pagsusuot ng face mask.
Matatandaang tanging sa frontline healthcare workers, senior citizens, at immunocompromised lamang na indibidwal pinapayagan ang pagtuturok ng 2nd booster shot sa ngayon.
Habang nauna nang inihayag ng DOH na pinag-aaralan na nito ang posibilidad na ang naturang pagbabakuna sa mga edad 50 hanggang 59 na taong gulang