Agustina Nolasco

Hinikayat ng mga siyentipiko ang publiko na magpabakuna na ng 2nd booster shot sakaling payagan na ito sa gitna ng strain ng Omicron variant na nagdudulot ng  panibagong pagsipa ng kaso ng COVID-19 sa buong mundo.

Ayon sa viral immunologist mula sa University of Newcastle sa Britain na si Nathan Bartlett ang kasalukuyang COVID-19 vaccines ay hindi nagbibigay ng malakas at matagal na proteksyon gayunman ang pagpapalakas sa Anti-bodies  na may back-up ng Ika-4 na dose ay nagpoprotekta laban sa malubhang sakit at pagkamatay.

Habang ayon naman kay Pharmaceutical Medicine Professor Penelope Ward, bumababa mula sa 90% hanggang 75% ang lebel ng proteksyon laban sa mga malalang sakit ng mga indibidwal na naturukan ng bakuna anim na buwan na ang nakalilipas.

Batay naman sa pag-aaral na isinagawa ng Unibersidad ng Tel Aviv sa Israel, bumaba ang mga na-oospital ng nasa 64% hanggang 67% simula nang mabakunahan ng Ika-4 na dose o 2^nd booster shot sa bansa habang bumababa rin ang panganib sa pagkamatay sa 72%.

Iniulat ng Department of Public Works and Highways (DPWH) na tapos na ang dalawang proyekto nito para mapigilan ang mga pagbaha na nagkakahalaga ng P66-M sa La Union.

Itinayo sa gilid ng ilog ng Amburayan sa Sudipen Barangay Porporiket ang naturang proyekto na may walong metrong taas at 260 metrong haba.

Habang nasa P27.99 milyon ang inilaan para sa naturang proyekto na mula sa 2022 General Appropriations Act (GAA).

Samantala, natapos naman ng La Union Second District Engineering office ang 14 na flood control structures project nito sa agoo para sa mga  residente ng barangay ng San Julian Norte at San Julian West.

Siniguro ni Quezon City Rep.Marvin Rillo na tutuparin nito ang pagtulong sa mga residente ng Quezon City na nangangailangan ng medikal na tulong.

Ayon kay Rillo patunay, ang higit 30 inilabas nitong referral letters upang tulungan ang mga may medikal na pangangailangan sa lungsod

Kung saan kakaunti aniya ang requirements na kailangan upang hindi na magpabalik-balik para mag-submit ng dokumento ang mga humihingi ng tulong

Mananatiling pinuno ng Office of the Presidential adviser on Peace, Reconciliation, and Unity (OPAPRU) hanggang sa katapusan ng taon si secretary Carlito Galvez Jr. batay sa inilabas na memorandum order ng opisina ng Pangulo.

Ito’y upang matiyak anila na walang magiging interruption o pagkagambala sa mga programa at aktibidad tungo sa kapayapaan.

Sa mensahe ni Galvez sa pagdiriwang ng Eid al-Adha nitong Sabado, inihayag nito na determinado ang administrasyong Marcos na ipagpatuloy ang pagpapatupad ng komprehensibong prosesong pangkapayapaan ng Pilipinas, lalo na sa Bangsamoro Autonomous Region in Muslim Mindanao.